Forstera hoveyası

Forstera hoveyası
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Birləpəlilər Klad: Commelinids Dəstə: Palmaçiçəklilər Fəsilə: Palmakimilər Yarımfəsilə: Arecoideae Triba: Areceae Yarımtriba: Linospadicinae Cins: Hoveya Növ: Forstera hoveyası
Beynəlxalq elmi adı
Howea forsteriana Becc., 1877
Şəkil axtarışı ITIS   817231 NCBI   292773 EOL   1142853

Forstera hoveyası (lat. Howea forsteriana) — bitkilər aləminin palmaçiçəklilər dəstəsinin palmakimilər fəsiləsinin hoveya cinsinə aid bitki növü.

Təbii yayılması

Vətəni Avstraliyadır.

Botaniki təsviri

Hündürlüyü 12 m-ə çatır. Palmanın gövdəsi dairə formasında yarpaq yarıqları ilə örtülmüşdür. Bünövrəsində gövdəsi enlidir. Yarpaqları lələkvari, qövsvari əyilmişdir. Gövdə ətrafında düzülən yarpaq yarıqları gövdənin düz olmasını göstərir. Alt tərəfdən xırda nöqtələrlə örtülmüş, lələkvari, tünd-yaşıl yarpaqları uzun seqmentli olub, uzunluğu 25-60 sm-dir, horizantal yerləşir, bir az sallaqdır. Bircinsli çiçəkləri çiçək qruplarında üç ədəd (iki erkək və bir dişi) yığılmışdır. Meyvələri finik palmasının meyvələrinə bənzəyir. Toxumlar və kök zolağları ilə çoxaldılır.

Ekologiyası

Soyuğu və küləyi sevmir. Quraqlığa davamlıdır. Düz günəş şüalarından orta dərəcədə qorunmalıdır. Havanı oksigenlə, ozonla, aeroionlarla zəzənginləşdirir, nəmişliyi artırır və ekoloji şəraiti yaxşılaşdırır.

Azərbaycanda yayılması

Mərdəkan dendrarisində 2009-cu ildən introduksiya olunub. Bəzi rayonlarda mədəni şəraitdə becərilir.

İstifadəsi

Alleyalarda dekorativ görünür. Tək və qrup əkinləri üçün faydalıdır.

Sinonimləri

Homotipik sinonimləri

• Denea forsteriana (F.Muell.) O.F.Cook
• Grisebachia forsteriana (F.Muell.) H.Wendl. & Drude
• Kentia forsteriana F.Muell.

Heterotipik sinonimləri

• Kentia australis T.Moore & Mast.